drivers license

 

red lights, stop signs…

Back to hanash blogs tayo!

Umalis si Don2 ng alas-dose ng madaling-araw. Pipila daw siya ng ganung oras para sa driver’s license niya. Nakakaloka sabi ko bat ganon kaaga? Hala? Sabi niya 70 lang daw ang ineentertain kada araw. Kaya paunahan makakuha ng slot.

Grabe ano, di ko alam kung dito lang ba sa Cavite, o sa NCR ganun din? Na yung mga government offices e ang hahaba ng pila lagi araw-araw. Tapos ang outdated pa ng system. Bat ganun. Yung mga private industries nag-iinnovate na sila into new systems samantalang yung gobyerno napag-iiwanan ng sistema. (Kung maka-rant ako kala mo hindi taga gobyerno ano.) Or magkaroon ng satellite offices man lang bawat munisipalidad o siyudad, para hindi lahat magsisiluwas pa-Dasma para lang pumila ng ganun kaaga. Yung iba galing pa ng Naic, GMA, etc.

So umuwi na si Don2, pumila nga siya ng alas dose, pang number 25 na siya hahaha. So sabi ko bakit 70 lang ang inaaccomodate? Kasi daw COVID eme eme binabawasan yung taong makakasalamuha para less risk. Mas lalo tuloy tumatagal yung pagproseso ng mga ganyang importanteng dokumento.

Ilalagay ko sana dito pano kumuha ng driver’s license pero marami naman nang guide sa google, search nyo na lang. HAHAHA ang tamad. Tiningnan ko yung license niya, nakaprint lang sa papel. Ganun ba talaga yun.

So kumusta naman? Madali lang daw yung exam. Kung ako daw ang mag-eexam, keri ko raw ma-perfect. Hmmm, I have a bright idea…

red lights, stop signs…..