Dagat

Pabalik-balik ako sa dagat, paulit-ulit na lumalangoy.
Hanggang sa palalim na ako ng palalim, ngunit ayoko pang umahon.
Patuloy lang ako, hindi natatakot na malunod at hilahin ng mga alon.
Hinihintay ko kasi na sagipin mo ako, kahit alam kong ayaw na ayaw mong lumangoy.

Pero okay lang, hayaan mo ako dito.
Darating din ang araw na magsasawa ako, at aahon kapag nahapo.
Pero sa ngayon, ayos lang na mag-isa ako rito.
Okay lang ako. Magiging okay rin ako ☺

(image source)