Biyahe ni Shai!

ANO? Sama ka sa biyahe ko? (Drew Arellano ang peg)

Kung ang 2015 ko ay taon ng pag-i-stressout, ang 2016 ko naman ay taon ng paglalagalag! Wala lang share ko lang 😛

Halos buwan buwan may ganap na ako sa Maynila. Dati once a year lang ako napapadpad doon, pero ngayon heto na Dora The Explorer na rin ako! (salamat kay Angel na nagmotivate sa akin para mamasyal sa kung saan-saan)

Mayo: Dahil sa OJT ko ay nakakapag-mall tour ako. Literally hahahaha! Di ba nakwento ko na noon na pagkatapos ko lumabas ng opisina, dumidiretso gala muna ako sa mall bago umuwi. So ayun, sa kakagala ko araw-araw, napuntahan ko na lahat ng malls sa Las Piñas, Alabang, sa Molino, atbp. Nasa dalawampu lahat 🙂

Hunyo: Puro malls pa rin ang galaan ko. Pero this time may mga kasama na ako hahaha di na ako alone 🙂
– Malls sa Ortigas (Galleria, Shangrila, etc.)
– MOA (nung ToyCon tsaka MTV Music Evo)
– Baclaran/Makati/Taguig (hanggang Market Market pa lang)
– Tagaytay (People’s Park)
– SM Trece tsaka Robinsons Gentri

Hulyo: May klase na kaya di na ako makakagala 😦 pero napagkasunduan namin ni Angel na mamasyal sa Intramuros (first time ko pa lang dito). Pa-birthday ko na rin sa sarili ko hehe.

Agosto: Actually nung isang araw lang, gumora kami ng mga kaklase ko sa Ninoy Aquino Parks and Wildlife (first time ko rin) para sa project 🙂

Setyembre – Abangan. Hahahaha.

Gusto ko pa sana magkwento ng mga ganap ko nung gumagala ako, kaso nakakatamad! 🙂

Alam mo ba, buong buhay ko nandito lang ako nakakapasyal sa mga malalapit na lugar, hindi ako nakakarating sa malalayo kasi: -pinagbabawalan ako. – sumusuka ako sa biyahe (hahahahaha). – wala akong pera.
Ganon pa rin naman ngayon, pero nakakagawa na ako ng paraan para makapaglagalag! Masaya na ako na nakakapunta na ako ng maynila kahit papaano.

Level 1 pa lang ako sa pagta-travel. Sana pagka-graduate ko at pag may trabaho na ako eh mas malalayo na yung mapuntahan ko (mga Europe, ganern). Posible lang yun kapag may business trip ako doon. (echosera)

Pero naisip ko lang, kapag yung mga kaklase ko gumagala/nag-a-outing, hindi ako sumasama. Never pa akong nakasama sa mga ganap nila (Alabang, UP, Burot Beach, etc.) Whyyy

Tulad ngayon may mga drawing, este plano nanamang nagaganap. Yung isa sa Calamba with Angel, baka sa susunod na buwan. Yung isa naman next year sa Ilocos, malabo akong makasama. May pamahiin dito (ewan ko ba kung totoo to) na lapitin ng disgrasya yung mga graduating students kaya bawal maglakwatsa. Ayun. Sadlyf. May susunod pa namang pagkakataon upang ako ay makarating ng Ilocos eh.

May gusto sana akong taong kasama pag gagala, kaso nahihiya akong lapitan siya kasi baka tanggihan ako (ayoko pa naman ng nirereject ako), tapos ang awkward pala kapag kami lang dalawa ang magkasama na gagala, hindi nga pala kami. HAHAHAHAHA joke lang po.